QUE É
NOVO ENFOQUE?

Novo Enfoque é un festival de audiovisual independente orientado principalmente en outorgar un espazo á proxección de produtos audiovisuais de xóvenes creadores. Pretende achegar unha alternativa a outros festivais máis esixentes do sector a creadores noveis galegos, á vez que pretende ser un lugar de encontro para que os estudantes ou recentemente titulados poidan expoñer as súas obras, recibir consello e recoñecemento por parte de profesionais do sector.

 

Este é un festival dedicado exclusivamente aos traballos de estudantes menores de 30 anos matriculados en calquera centro de estudos superiores en Galicia. No caso de exalumnos, estes deberán finalizar os seus estudos o ano anterior á realización do evento (é dicir, haberse graduado en 2023).